Nashik : नाशिक शहराचे तिन्ही आमदार मिळून महाराष्ट्र राज्याचे मुख्यमंत्री मा. श्री. देवेंद्रजी फडणवीस साहेब यांची भेट महत्त्वाच्या प्रश्नांवर निवेदन

नाशिक शहराचे तिन्ही आमदार मिळून महाराष्ट्र राज्याचे मुख्यमंत्री मा. श्री. देवेंद्रजी फडणवीस साहेब यांची भेट घेतली आणि नाशिककरांच्या जीवनमानाशी निगडित महत्त्वाच्या प्रश्नांवर निवेदन दिले.

1️⃣ नाशिक शहरातील वाढती गुन्हेगारी
• अलिकडच्या काळात नाशिक शहरात गुन्हेगारीचे प्रमाण वाढले असून, नागरिकांच्या सुरक्षिततेचा प्रश्न गंभीर झाला आहे.
• यावर नियंत्रण आणण्यासाठी पोलीस यंत्रणेची ताकद वाढवावी, आधुनिक तंत्रज्ञानाचा वापर करावा तसेच अधिकाधिक पोलीस कर्मचारी नेमावेत अशी मागणी केली.

2️⃣ सिंहस्थ कुंभमेळा निधी
• 2027 मध्ये होणारा सिंहस्थ कुंभमेळा हा आंतरराष्ट्रीय स्तरावरील महत्त्वाचा धार्मिक व सांस्कृतिक सोहळा आहे.
• या पार्श्वभूमीवर नाशिकच्या विकासासाठी आवश्यक निधी तत्काळ मंजूर व्हावा, जेणेकरून रस्ते, पाणीपुरवठा, स्वच्छता, वाहतूक व्यवस्था आणि पर्यटकांच्या सोयीसुविधा वेळेवर पूर्ण करता येतील.

3️⃣ नाशिक–पुणे रेल्वे मार्ग (व्हाया संगमनेर)
• नाशिक आणि पुणे या दोन प्रमुख शहरांना जोडणारा रेल्वे मार्ग अनेक वर्षांपासून प्रलंबित आहे.
• हा मार्ग संगमनेर मार्गे पूर्ण करावा, ज्यामुळे प्रवासाचा वेळ लक्षणीयरीत्या कमी होईल, उद्योगधंद्यांना चालना मिळेल तसेच शैक्षणिक, वैद्यकीय आणि व्यापारी देवाणघेवाण अधिक सुलभ होईल.