Nashik यशराज तुकाराम गांगुर्डेचा संशयास्पद मृत्यू
Nashik Student Death: नाशकात दहावीच्या विद्यार्थ्याचा संशयास्पद मृत्यू… कोचिंग क्लासेसच्या परिसरात बेशुद्धावस्थेत आढळला मृत्यदेह, नेमकं प्रकरण काय?
नाशिक: सातपूर पोलिस ठाण्याच्या हद्दीत असलेल्या एका खासगी कोचिंग क्लासेसच्या बाहेर शनिवारी (दि. २) सायंकाळी सहाच्या सुमारास दहावीच्या विद्यार्थ्यांमध्ये झालेल्या वादातून एका विद्यार्थ्याचा संशयास्पद मृत्यू झाल्याची घटना घडली. या घटनेनंतर शहरात खळबळ उडाली असून, रात्री उशिरापर्यंत सातपूर पोलिस सखोल तपास करीत होते. याबाबत सध्या आकस्मिक मृत्यूची नोंद करण्यात आली आहे.
पोलिसांनी दिलेल्या माहितीनुसार, यशराज तुकाराम गांगुर्डे (वय १६, रा. सातपूर) असे मृत विद्यार्थ्याचे नाव आहे. तो अशोकनगर येथील हिरे गार्डनजवळील खासगी क्लासेसमध्ये दहावीचे शिक्षण घेत होता. सायंकाळी पाचला क्लास सुटल्यानंतर परिसरात यशराज व त्याचे मित्र गप्पा मारत असताना किरकोळ वाद झाल्याचे प्रत्यक्षदर्शींनी सांगितले. तेव्हा यशराज अचानक चक्कर येऊन कोसळल्याचा दावा क्लासेसच्या शिक्षकांनी केला.
तो कोसळल्यानंतर तातडीने त्याला जिल्हा शासकीय रुग्णालयात हलवण्यात आले. रात्री उशिराने त्याला तपासून मृत घोषित करण्यात आले. या प्रकरणी सातपूर पोलिस ठाण्यात आकस्मिक मृत्यूची नोंद करण्यात आली आहे. शवविच्छेदन अहवाल आल्यानंतर यशराजच्या मृत्यूचे नेमके कारण उघड होणार आहे.
You may also like
