🔹संविधानाचे राज्य प्रस्थापित होण्यासाठी समस्त आंबेडकरी चळवळीच्या नेत्यांनी एकत्र येण्याची गरज – अण्णासाहेब कटारे🔹

ठाणे ( प्रतिनिधी ) :- राष्ट्रीय रिपब्लिकन पक्षाच्या वतीने ठाणे येथे राष्ट्रीय अध्यक्ष अण्णासाहेब कटारे यांच्या अध्यक्षतेखाली कार्यकर्ता प्रवेश व कार्यकर्ता बैठकीचे आयोजन करण्यात आले होते.
यावेळी मार्गदर्शन करतांना अण्णासाहेब कटारे यांनी सांगितले की देशात भारतीय राज्यघटना आणि संविधान विसंगत ध्येयधोरणे राबविले जात आहेत. संसदेच्या पायऱ्यांवर डोके ठेवून देशाचा कारभार करण्याचे आश्वासन भारतीयांना देण्यात आलं होतं.परंतु त्याच संविधानाची अवहेलना होण्याचे प्रसंग वाढत आहेत, परिणामी देशातील मागास दलित,आदिवासी,ओ.बी.सी.मुस्लिम अल्पसंख्यांक,भटके विमुक्त आर्थिक दुर्बल घटकांचे जीवनमान खालवत जात असून मूठभर साम्राज्यवादी लोकांची सत्ता प्रस्थापित होत आहे.
👉🏻अशा परिस्थितीत देशात पुन्हा एकदा संविधानाचे सन्मानाचे समतेचे राज्य निर्माण करण्याची जबाबदारी संविधानवादी आंबेडकरी चळवळीच्या नेत्यांची व पुरोगामी विचारसरणीच्या पक्ष संघटनांची आहे.
देशात व राज्यात धर्मनिरपेक्षवादी पक्षांची वाताहात होत असतांना धर्मांधशक्ती सत्तेच्या बळावर साम्राज्यवाद प्रस्थापित करू पाहत आहे याला केवळ थोपवून नव्हे तर नेस्तानाबूत करण्याचे सामर्थ्य डॉ.बाबासाहेब आंबेडकरांच्या संकल्पनेतून उदयास आलेल्या आंबेडकरी विचारधारेतच असून, आजमितिस,शोषित,पीडित, असलेला समाज संघटित होण्याची प्रक्रिया सुरू झाली असून आता त्याला नेत्यांमधील हेव्यादाव्यांमुळे खिळ बसू नये आणि रिपब्लिकन आंबेडकरवादी चळवळ पुन्हा जोमाने उभी करून संघटित शक्ती उदयास यावी,अशी आशा यावेळेस राष्ट्रीय अध्यक्ष अण्णासाहेब कटारे यांनी व्यक्त केली.
संघटित रिपब्लिकन आंबेडकरवादी चळवळ पुन्हा उभी करण्यासाठी राष्ट्रीय रिपब्लिकन पक्ष मैदानात उतरला आहे असे अण्णासाहेब कटारे यांनी शेवटी आपल्या भाषणात सांगितले.
यावेळी राष्ट्रीय रिपब्लिकन पक्षाच्या ठाणे जिल्हा अध्यक्षपदी भुजंगराव सोनकांबळे यांची तर ठाणे शहराध्यक्ष महिला आघाडी छायाताई राठोड यांची निवड अण्णासाहेब कटारे यांनी जाहीर केली.
बैठकीप्रसंगी केंद्रीय सचिव श्रीकांत जी नायक साहेब,महाराष्ट्र युवा नेतृत्व बिपिन कटारे,महाराष्ट्र राज्य जनसंपर्क प्रमुख सचिन भाऊ नांगरे,युवा नेते तुषार भाऊ वाघ,युवा सदस्य हितेश भाऊ भालेराव,ठाणे युवा शहराध्यक्ष साईनाथ खरात,आरोग्य विभाग अध्यक्ष ठाणे रंजनाताई भांगे,दिवा शहराध्यक्ष रमेश भाई तुपे, आदींनी कार्यकर्त्यांना मार्गदर्शन केले.
यावेळी नवनिर्वाचित जिल्हाध्यक्ष भुजंगराव सोनकांबळे यांनी मान्यवरांचे आभार मानले.

जयश्री अहिरे शहर अध्यक्षा वाहतूक आघाडी,रेखा काटे,सखुबाई जंगम,भरती मोरे,संगीता जंगम,सुशीला मोरे,सुनीता जंगम,पूजा राठोड, काफिया खान, साबिया खान, खदीचा खान,शमीना शहा,शोभा जंगम,आरती मोरे,सचिन राठोड,मोहम्मद खान,विशाल जाधव लोकमान्य विभाग अध्यक्ष,आदित्य जाधव विद्यार्थी आघाडी संघटक,शहीद पठाण,अविनाश वाहूळे, करीम इंद्रिसी,संगीता आहिरे आदी मान्यवर यांनी प्रवेश केला