ड्रायव्हिंग लायसन्स आणि RC मध्ये मोबाईल नंबर घरबसल्या करा अपडेट

मोबाईल नंबर अपडेट करण्यासाठी आरटीओ कार्यालयात जाण्याची गरज नाही. ही प्रक्रिया सरकारी वेबसाइट ‘परिवहन सेवा’वर पूर्णपणे ऑनलाइन पद्धतीने घरबसल्या पूर्ण करता येते.

Mobile Number in Driving License and RC: वाहनाच्या नोंदणी प्रमाणपत्रामध्ये (RC) किंवा ड्रायव्हिंग लायसन्समध्ये (Driving License) तुमचा मोबाईल नंबर अपडेट नसेल, तर तो घरबसल्या अपडेट करू शकता. वाहनाशी संबंधित चालान, पीयूसीची मुदत, विमा नूतनीकरण आणि इतर सर्व आवश्यक माहिती आता एसएमएसद्वारे (SMS) मोबाईल नंबरवर पाठवली जाते.

आता तुम्हाला तुमचा मोबाईल नंबर अपडेट करण्यासाठी आरटीओ कार्यालयात जाण्याची गरज नाही. ही प्रक्रिया सरकारी वेबसाइट ‘परिवहन सेवा’वर पूर्णपणे ऑनलाइन पद्धतीने घरबसल्या पूर्ण करता येते. तुमच्या लॅपटॉप किंवा फोनमध्ये ही प्रक्रिया सहज करू शकता.

आरसी (RC) साठी प्रक्रिया

जर तुम्हाला तुमच्या वाहनाच्या नोंदणी प्रमाणपत्रात (RC) मोबाईल नंबर अपडेट करायचा असेल, तर तुम्हाला स्क्रीनवर दिसणाऱ्या पहिल्या लिंकवर क्लिक करावे लागेल. लिंकवर क्लिक केल्यानंतर तुम्हाला खालील माहिती अचूकपणे भरावी लागेल.

• वाहन रजिस्ट्रेशन नंबर
• चेसिस नंबर
• इंजिन नंबर
• नोंदणीची तारीख
• नोंदणी/फिटनेस वैधतेची तारीख
• कॅप्चा कोड
• सर्व माहिती भरल्यानंतर ‘सबमिट’वर क्लिक कर

ड्रायव्हिंग लायसन्ससाठी प्रक्रिया

जर तुम्हाला ड्रायव्हिंग लायसन्समध्ये मोबाईल नंबर अपडेट करायचा असेल, तर तुम्हाला स्क्रीनवर दिलेल्या दुसऱ्या लिंकवर क्लिक करावे लागेल. लिंकवर क्लिक केल्यानंतर तुम्हाला खालील माहिती भरावी लागेल.

क्यूआर कोडचा पर्याय

स्क्रीनवर दिलेल्या क्यूआर कोड्सना स्कॅन करूनही ड्रायव्हिंग लायसन्स आणि वाहन नोंदणी प्रमाणपत्रामध्ये तुमचा मोबाईल नंबर अगदी सोप्या पद्धतीने अपडेट करू शकता.