🔹🔹नाशिक महानगरपालिका ,जिल्हा परिषद,पंचायत समितीच्या निवडणूका ताकदीने लढवणार – अण्णासाहेब कटारे🔹🔹

नाशिक ( प्रतिनिधी ) : राष्ट्रीय रिपब्लिकन पक्षाची नाशिक कार्यकारणी बैठक नाशिक येथे राष्ट्रीय अध्यक्ष अण्णासाहेब कटारे यांच्या अध्यक्षतेखाली पार पडली. बैठकीत मार्गदर्शन करतांना अण्णासाहेब कटारे यांनी सांगितले की
महाराष्ट्रातील जनतेने कुठल्याही एका प्रस्थापित पक्षाला लोकसभेच्या व विधानसभेच्या निवडणुकीत पूर्णपणे समर्थन दिले नाही त्यामुळे महाराष्ट्रातील जनतेचा कौल वेगळाच दिसून येत असल्याने, सरंजामी प्रस्थापित भांडवलदार पक्षांना आता येथील जनता कंटाळली आहे. जातीय / धार्मिक ध्रुवीकरण करून मते घेण्याचा काही पक्षानी केविलवाणा प्रयत्न केला.
वास्तविक पाहता या देशातील राज्यातील कोणताही प्रस्थापित पक्ष येथील गोरगरीब दलित वंचित अल्पसंख्यांक बौद्ध ओबीसी समुहाला राजकीय प्रतिनिधीत्व देण्यास तयार नाही.केवळ ह्या घटकांची निवडणूकीत मते लाटून त्यांना नंतर वाऱ्यावर सोडायची हीच नीती वर्षानुवर्षी सुरू आहे.
👉🏻म्हणूनच राष्ट्रीय रिपब्लिकन पक्षानी राज्यातील सर्वच पुरोगामी छोटे-मोठे पक्ष संघटना यांना एका व्यासपीठावर आणून आगामी होणाऱ्या महानगरपालिका,जिल्हा परिषद,पंचायत समितीच्या निवडणूका लढवल्या जातील असे अण्णासाहेब कटारे यांनी बैठकीत सांगितले.
रिपब्लिकन आंबेडकरी चळवळीतील राष्ट्रीय रिपब्लिकन पक्षाचा जनाधार मोठ्या प्रमाणात आहे.
👉🏻विदर्भ, मराठवाडा, उत्तर महाराष्ट्र, पश्चिम महाराष्ट्र, कोकण, मुंबई या सर्वच विभागांमध्ये राष्ट्रीय रिपब्लिकन पक्षाची संघटनात्मक ताकद आहे. ज्या भागांमध्ये पक्ष उत्तम प्रकारे निवडणुकीत परफॉर्मन्स उभा करू शकतो अशा ठराविक भागात राष्ट्रीय रिपब्लिकन पक्ष आपले उमेदवार उभे करणार असून, त्या अनुषंगाने विभागीय बैठका, मेळावे, जाहीर सभा, पत्रकार परिषद, राष्ट्रीय अध्यक्ष अण्णासाहेब कटारे यांचे नेतृत्वाखाली सुरू आहे व आगामी निवडणुकीसाठी सर्व राष्ट्रीय रिपब्लिकन पक्षाच्या कार्यकर्त्यांनी सज्ज व्हा अशा सूचना कटारे यांनी दिल्या आहे.
बैठकीस राष्ट्रीय प्रवक्ते गिरीश जी अकोलकर,युवा नेतृत्व बिपिन कटारे,नाशिक जिल्हा नेते मनोहर दोंदे,महाराष्ट्र युवा उपाध्यक्ष नितीन केदारे सर,नाशिक युवा जिल्हाध्यक्ष जितु भाऊ बागुल,नाशिक शहराध्यक्षा रेश्मा ताई बच्छाव,नाशिक शहर नेते निसार भाई खान,नाशिक शहर नेते गौतम दोंदे,येवला युवा नेते तुषार वाघ,महाराष्ट्र संपर्कप्रमुख युवा आघाडी संतोष राजगुरू,प्रशांत कटारे,नाशिक शहर हेमंत आहेर,येवला उपाध्यक्ष बबन वाघ, प्रसिद्ध प्रमुख वाल्मीक खरात,जुनेद शेख,आकाश आव्हाड,आदी उपस्थित होते.